a regndog (ein Regentag)

[Schneewolf]

n ganzn dog hats grengt
und jetzad wo s abnd wiad hörts aaf
und d sonn kommt raus

i könnt mi vielleicht ärgern
n ganzn dog bin i drin gsessn
hab gwart und hab neet raus könna
und jetzt ?

jetzt erst recht
i nimm mei feechen bei da hand und geh naus
naus in dee nasse welt
i brauch a frische luft

aaf dee blattln
was siegh i da funkln ?
so als watn doat ganz vui diamantn
und dee funkn sprüha in n abndhimme
dee sonnenstrahln ham aus de regntropfn perlen zaubert
grad schee is s

und drobn am himme
i glaub i siegh neet recht
a wundascheena bunta regnbogn
und wia der leucht?t
da fallt mia dee stell ausm altn testament wieda ei
"mein?n bogn setz i in d wolkn
er soll s bundeszeichn sei zwischn mia und dia"

ja genau a so is's
nach jedm regn geht wieda amoi d sonn auf
nach jedea nacht kommt a neua tag
s bleibt neet imma finsta
aa wennst noo so traurig bist
einsam und enttäuscht
ER is bei uns
und lasst uns nia alloa

[planb]

Was für ein Dialekt ist das? Liest sich nett.

[Schneewolf]

es ist der Regensburger Dialekt, eine Mischund aus Niederbayrisch und Oberpfälzisch - im Dialekt schreib ich am liebsten, da brauch ich das, was ich denke und fühle, nicht ins Schriftdeutsch zu übersetzen