i habs gsehn
dee tiafn schnittwundn in deine arm
dee fädn mit denen s gnäht worn san
deine narbn
du glaubst
dass du a so dei innere spannung
in n griff kriagst
schee wärs
wenns so einfach wär
dei krankheit liegt oba tiafa
in deim innern
in deim herzn
i habs versäumt
dir a gsunds selbstwertgfühl mitzgebn
du denkst
dass du nix wert bist
dass du dees neet vadient hast dass du glücklich bist
ja, da hab i was falsch gmacht
vielleicht weil i dees selba neet bessa gwusst hab
weil mei eigns selbstbewusstsein
damals aa no z kloa gwesn is
i hab mia ja selba nix zuatraut
wia i so oit war wia du jetzad
da habs i doch aa zwoamoi probiert mi umzbringa
glaub mia
i ko di guat vasteha
s is no neet z spät füa uns zwoa
i wui dir helfa
wennst mi lasst
nimms o
mei hilf
dann geht’s uns zwoa bessa